የስፕሪንግ ዕረፍት መልእክት

ከሱፐርኢንተንደንት ዶ/ር ሞኒፋ ቢ.ማክኒት የተላለፈ መልእክት የሚያዝናና እና አስደሳች የስፕሪንግ እረፍት ይሁንላችሁ!

ውድ ተማሪዎች፣ ሰራተኞች እና ቤተሰቦች

የስፕሪንግ እረፍት ለሚጀመር በሚቀጥለው ሳምንት ምንም ትምህርት አይኖሩም። ፈተናም አይሰጥም። የመጨረሻ ፈተና ወረቀት አይኖሩም፣ ስለዚህ ምንም ምክንያት ስለማይኖር መዝናናት እና ለቀሪው የትምህርት ዓመት ለመዘጋጀት ማረፍ ያስፈልጋል። የስፕሪንግ እረፍት ለራሳችሁ ወይም ለቤተሰባችሁ የዕለት ተዕለት ሕይወት የሚያስፈልጋችሁን ነገር የምትሠራበት ጊዜ ነው።

እንዲሁም የማሰላሰል ጊዜ ነው፣ ስለሆነም እንደ ተማሪዎች እና አስተማሪዎች ላደረጋችሁት ጥረት ሁሉ ያለኝን ምስጋና እና አድናቆት ለመግለጽ እፈልጋለሁ። ከባድ ስራ ቢሆንም እያንዳንዳችሁ ተግዳሮቶቻችሁን የተወጣችሁ ስለሆነ ስኬቶቻችሁ አስደናቂ ናቸው። በመጀመሪያ፥ ማርች 28 በተደረገው ስብሰባ ለትምህርት ቦርድ ሪፖርት ባደረግነው መሠረት፣ የተማሪዎች የትምህርት ውጤት ከፍ እያለ ነው። ለሁሉም ተማሪዎች ወሳኝ የሆነ የሊተርሲ እና የሂሳብ ችሎታ እየተሻሻለ ነው፣ እንዲሁም በሁሉም አካዳሚዎቻችን ላይ ቀጣይነት ያለው መሻሻል ለማድረግ ቆርጠን ተነስተናል። ተማሪዎችም እንደዚሁ፦

1. በሕይወት ዘመናቸው ሁሉ የሚገለገሉትን እውቀትና ችሎታ መማር እና እውቀት መቅሰም።
2. ፍላጎቶቻቸውን ማሰስ እና ምክንያታዊ አስተሳሰብን፣ ፈጠራን እና ችግርን የመፍታት ዘዴ ችሎታዎችን ማዳበር።
3. የአመራር ክህሎትን ማዳበር፣ የቡድን ግንባታ እና የመግባቢያ ክህሎቶችን ማዳበር፣ ተማሪዎች አዳዲስ የፈጠራ ተሰጥኦዎችን እንዲያዳብሩ እና የወደፊት ትልሞችን እንዲያሳድጉ የሚያግዙ ልምዶችን ማካፈል።

 

ሰራተኞችም በትጋት እየሰሩ መቆየታቸውን በትምህርት ቤቶች ጉብኝቶቼ ማየት ችያለሁ። ይህን ለማረጋገጥ እያንዳንዳችሁ ከሚጠበቀው በላይ ሄዳችኋል፡-

1. ተማሪዎቻችን የሚያስፈልጋቸውን ትኩረት እና ግብአት አግኝተዋል።
2. ብዙ ስብሰባዎችን ማካሄድ፣ የትምህርት አሰጣጥን መምራት፣ የትምህርት ተቋሞቻችን በትክክል መስራታቸውን ማረጋገጥ፣ እና አሳታፊ ትምህርቶችን በማዘጋጀት በየቀኑ ብዙ ተግባራትን ለማከናወን ስትሯሯጡ ከርማችኋል።

 

ሁላችሁም በሥራ ተጠምዳችሁ በትጋት እየሰራችሁ ነበር።

ለምትጓዙትም ሆነ በቤታችሁ አቅራቢያ ለምትቆዩ ሁላችሁ፣ በሚያስደስታችሁ እና በሚያዝናናችሁ እንቅስቃሴዎች ላይ እንድትሳተፉ አበረታታለሁ። የእናንተን አእምሯዊ፣ ስሜታዊ እና አካላዊ ደህንነት ለመንከባከብ እድሉን ተጠቀሙበት። ሁላችንም ጤነኛ ስንሆን በትምህርት ቤትም ሆነ በየእለት የህይወት ተሞክሮ የተሻለ እንሰራለን።

ለቀሪው የትምህርት አመት፣በብቃት ማገልገላችንን እንደምንቀጥል እና ወደፊት ያሉትን ሥራዎች እንደምናከናውን ሙሉ እምነት አለኝ። የሚቀጥለውን የጉዟችንን ምዕራፍ ለማከናወን ተዘጋጅተን አዲስ ጉልበት እና ዓላማ ሰንቀን በጥሩ ስሜት ከስፕሪንግ እረፍት እንመለስ።

ለምታደርጉት ነገር ሁሉ እናመሰግናለን፣ እና መልካም የስፕሪንግ ዕረፍት ይሁንላችሁ!

 

ከአክብሮት ጋር

Dr. Monifa B. McKnight ዶ/ር ሞኒፋ ቢ. ማክናይት
Superintendent of Schools የትምህርት ቤቶች ሱፐርኢንተንደንት

 

 

---