ወደ ትምህርት ቤት የመመለስ ምሽት እንዳያመልጥዎት!

በመጪዎቹ ሳምንታት ሁሉም ትምህርት ቤቶች ወደ ትምህርት ቤት የመመለሻ ምሽቶችን ያካሂዳሉ። ይህ ከልጆችዎ አስተማሪዎች እና ሰራተኞች ጋር ለመገናኘት፣የእርስዎ ተማሪ በክፍል ውስጥ ምን እንደሚማር/እንደምትማር የበለጠ ለማወቅ፣ እና ለበጎ ፈቃደኝነት አገልግሎት ለመመዝገብ ጥሩ አጋጣሚ ሊሆን ይችላል። የትምህርት ቤትዎን የዝግጅት ቀን እና ሰዓት ይመልከቱ።

ስለ ሱፐርኢንተንደንት የፎል ወቅት የማህበረሰብ ተሳትፎ መርኃግብሮች የበለጠ ግንዛቤ ያግኙ

የሱፐርኢንቴንደንት ቶማስ ቴለር የመግቢያ እቅድ አካል እንደመሆኑ፤ ስለ ሞንትጎመሪ ካውንቲ ማህበረሰብ የበለጠ ለማወቅ እና ዘላቂ ግንኙነቶችን ለመገንባት በተቻለ መጠን ከብዙ ባለድርሻ አካላት ጋር ይገናኛሉ። የዚህ አንዱ አካል በሦስት ትምህርት ቤቶች የሚደረጉ ከማህብረሰቡ ጋር የመነጋገር እና የማዳመጥ ክፍለ ጊዜዎችን ያጠቃልላል። የሚካሄዱባቸው ቀኖች እና ቦታዎች፦

• ሰኞ፣ ሴፕቴምበር 16፣ ፑልስቪል ሁለተኛ ደረጃ ትምህርት ቤት፣ 7–8 ፒ.ኤም

• እሮብ፣ ሴፕቴምበር 18፣ ሪቻርድ ሞንትጎመሪ ሁለተኛ ደረጃ ትምህርት ቤት፣ 7–8 ፒ.ኤም

• ሰኞ፣ ሴፕቴምበር 23፣ ሞንትጎመሪ ብሌር ሁለተኛ ደረጃ ትምህርት ቤት፣ 7-8 ፒ.ኤም

ተጨማሪ ዝርዝሮች በቅርቡ ይወጣሉ።

ለ 2024-2025 የትምህርት አመት ተማሪዎችን መቀበል

MCPS ለ 2024–2025 የትምህርት አመት ኦገስት 26 ላይ ከ160,000 በላይ ተማሪዎችን በሩን ከፍቶ ተቀብሏል። ከአዲሱ ሱፐርኢንተንደንት ዶ/ር ቶማስ ቴለር መምጣት ጋር ይህ አመት አስደሳችና አዲስ ምዕራፍ ነው። ከትምህርት ቤት የመጀመሪያ ቀንዎ ብዙ ምርጥ ፎቶዎችን ስለላኩ እናመሰግናለን፣ ካላዩት የእኛን የፎቶ ክምችት/ጋለሪ ይመልከቱ።

በቀን መቁጠርያዎ ላይ ምልክት ያድርጉ!የሴቶች ልጆች የባንዲራ እግር ኳስ/Flag Football የመክፈቻ ቀን

የሴቶች ልጆች የባንዲራ እግር ኳስ/Flag Football ወቅት የመክፈቻ ቀን ሴፕቴምበር 4 ነው! 25 የሞንትጎመሪ ካውንቲ ፐብሊክ ስኩልስ (MCPS) ሁለተኛ ደረጃ ት/ቤቶች ሁሉም በቡድን ተሰልፈው በካውንቲው ውስጥ በአራት ቦታዎች በሚካሄዱ የመክፈቻ ቀን በዓላት ላይ ይሳተፋሉ። የባልቲሞር ሬቨንስ እና የዋሽንግተን ኮማንደሮችን የመደገፍ ሥነ ሥርዓቶች ይከናወናሉ። የጊዜ ሰሌዳው እና ቦታው ከዚህ በታች ተገልጿል።

የሚካሄድባቸው ቦታዎች	Richard Montgomery HS ሪቻርድ ሞንጎሞሪ ሁለተኛ ደረጃ ት/ቤት	ውተን ሁለተኛ ደረጃ ትምህርት ቤት/Wootton HS
3:30 - የመጀመሪያ ዙር ጨዋታ/Game #1	ሮክቪል ከሼርውድ ጋር/Sherwood at Rockville	ዋልተር ጆንሰን ከፑልስቪል ጋር/Poolesville at Walter Johnson
5:00 - የመክፈቻ ቀን ሥነ ሥርዓት
5:45 - ሁለተኛ ዙር ጨዋታ/Game #2	ስፕሪንግብሩክ ከአይንስታይን ጋር/Springbrook at Einstein	ኖርዝዌስት ከኩዊንስ ኦርቻርድ ጋር/Northwest at Quince Orchard
7:00 - ሦስተኛ ዙር ጨዋታ/Game #3	ጌትስበርግ ከሪቻርድ ሞንትጎመሪ ጋር/Gaithersburg at RM	ክላርክስበርግ ከውተን ጋር/Clarksburg at Wootton

 

ተጨማሪ መረጃ "Girls’ Flag Football" ድረገጽ ላይ ይገኛል።አጠቃላይ እይታ የወቅቱን መርኃግብሮች ዝርዝርጨምሮ

ሴፕቴምበር 5 ላይ ከሚከፈተው የፎል ወቅት የስፖርት ምሽት በፊት ስለ ደህንነት የተሻሻሉ አቅጣጫዎችን ይገንዘቡ

MCPS ተማሪ-አትሌቶች፣ አሰልጣኞች፣ ተመልካቾች እና ማህበረሰባችን ደህንነቱ የተጠበቀ እና ምቹ አካባቢን ለመጠበቅ ቁርጠኛ ነው። የፎል ወቅት ስፖርት የመክፈቻ ምሽት ሀሙስ፣ ሴፕቴምበር 5 ይካሄዳል። የአትሌቲክስ ውድድሮችና ዝግጅቶች በሚካሄዱበት ወቅት MCPS የአትሌቲክስ ደህንነት እቅዱን ተግባራዊ ይደረጋል። የውድድር ወቅቱን ለመጀመር ሁሉም የቫርሲቲ እግር ኳስ ጨዋታዎች እና ሌሎች ትልልቅ ዝግጅቶች በደህንነት እቅድ ደረጃ 1 መሠረት ይከናወናሉ። የደረጃ 1 እርምጃዎች (Tier 1 actions) የሚከተሉት ናቸው፦

• የተሣታፊ ትምህርት ቤቶች ተማሪዎች ትክክለኛ ትኬት እና የተማሪ መታወቂያቸውን ወይም StudentVue ይዘው የጊዜ ሰሌዳቸውን በማረጋገጥ እንዲገቡ ይፈቀድላቸዋል። ሌሎች እድሜያቸው ለትምህርት የደረሱ ተመልካቾች በሙሉ ከጎልማሳ ሰው ጋር መሆን አለባቸው—ይህ ሁሉንም የአንደኛ ደረጃ ት/ቤት እና የመካከለኛ ደረጃ ት/ቤት ተማሪዎችን እና ከሌሎች ትምህርት ቤቶች የሚመጡ የሁለተኛ ደረጃ ት/ቤት ተማሪዎችን ያካትታል -ከተማሪዎቹ ጋር መሆን ያለባቸው አዋቂዎች/ጎልማሶች ጨዋታውን እየተመለከቱ ለሚቆዩበት ጊዜ በሙሉ አብረው መቆየት እና ተማሪዎችን መከታተል አለባቸው።
• በጨዋታው ወቅት ተማሪዎች እና ተመልካቾች በሚቆዩበት ቦታ መቀመጥ አለባቸው። ከግማሽ ጨዋታ በኋላ እና በድህረ ጨዋታ ስብሰባዎች ሊኖሩ ቢችሉም፣በጨዋታው ወቅት ስብሰባዎች ማድረግ አይፈቀድም።
• ጨዋታዎች በሚካሄዱበት ጊዜ ከወጡ በኋላ ዳግም ተመልሶ መግባት አይፈቀድም። ተመልካቾች ከግማሽ ጨዋታ በኋላ (ወይም ከሁለተኛው አጋማሽ ጨዋታ) በኋላ መግባት አይችሉም።
• ቦርሳዎችን መያዝ አይፈቀድም።

ለወቅቱ ለመዘጋጀትና ተማሪዎች ወደ ጨዋታዎች ለመግባት የተማሪ መታወቂያቸውን ወይም StudentVue እንዳላቸው ማረጋገጥ አለባቸው። የአንደኛ ደረጃ ት/ቤት እና የመካከለኛ ደረጃ ት/ቤት ተማሪዎች እና (ከተሣታፊ ትምህርት ቤቶች ያልሆኑ) የሁለተኛ ደረጃ ት/ቤት ተማሪዎች ከአዋቂዎች ጋር አብረው መሆን አለባቸው፣ ይሄውም በጨዋታው ለሚቆዩበት ጊዜ አብረዋቸው ያሉት አዋቂዎች ተማሪዎችን መከታተል እና መቆጣጠር ይጠበቅባቸዋል።