ከእኛ ጋር ለመቀላቀል እቅድ ያዘጋጁ!

የሱፐርኢንቴንደንት ቶማስ ቴለር የመግቢያ እቅድ አካል በመሆኑ ስለ ሞንትጎመሪ ካውንቲ ማህበረሰብ የበለጠ ለማወቅ በተቻለ መጠን ከብዙ ባለድርሻ አካላት ጋር ይገናኛሉ። የዚህ አንዱ አካል በአራት ትምህርት ቤቶች የሚደረጉ የማዳመጥ ክፍለ ጊዜዎችን ያካትታል። ከእነዚህ ክፍለ ጊዜዎች በአንዱ ለመሣተፍ ቀኑን ይምረጡ፡

• ሰኞ፣ ሴፕቴምበር 16 ከምሽቱ 7–8 p.m ፑልስቪል ሁለተኛ ደረጃ ትምህርት ቤት፣ Poolesville High School, 17501 West Willard Road, Poolesville
• ረቡዕ፣ ሴፕቴምበር 18፣ (የቦታ ለውጥ ተደርጓል) ሮክቪል ሁለተኛ ደረጃ ትምህርት ቤት፡ Rockville High School, 2100 Baltimore Road, Rockville, 7–8 p.m.
• ሰኞ፣ ሴፕቴምበር 23 ከምሽቱ 7–8 p.m. ሞንትጎመሪ ብሌር ሁለተኛ ደረጃ ት/ቤት Montgomery Blair High School፣ 51 University Blvd. East, Silver Spring
• ሰኞ፣ ኦክቶበር 21 ፔይንት ብራንች ሁለተኛ ደረጃ ትምህርት ቤት፡ Paint Branch High School, 14121 Old Columbia Pike, Burtonsville, 7–8 p.m.

በእያንዳንዱ ክፍለጊዜ በስፓኒሽኛ የማስተርጎም አገልግሎት ይሰጣል።

መጪው የማህበረሰብ ተሳትፎ ክፍለ ጊዜ ወላጆች፣ ተማሪዎች፣ ሰራተኞች፣ እና የማህበረሰብ አባላት የዲስትሪክቱን ተግባራት እና አካደሚክስን በሚመለከቱ ሁለት ቁልፍ ርዕሰጉዳዮች ላይ ያላቸውን አስተያየት እንዲያካፍሉ እድል ይኖራቸዋል።

• የዲስትሪክት ሥራ ክንዋኔዎችን በተመለከተ በዲስትሪክቱ ውስጥ ምን ጥሩ እየሰራ እንደሆነ እና ትኩረት የሚያሻቸው ነገሮች ምን እንደሆኑ ለመግለፅ?
• አካዳሚክስን በተመለከተ የተማሪዎችን የትምህርት ውጤት ለማሻሻል የተለየ ምን መደረግ እንዳለበት?

በነዚህ ክፍለጊዜያት ተሰብሳቢዎች በንግግር አስተያየት የመስጠት እድል ይኖራቸዋል። አስተያየቶቻቸውን በዲጂታል ማቅረብ የሚፈልጉ ሰዎች ይህንን Google form ተጠቅመው ማቅረብ ይችላሉ። 

የሠመር SSL ሰዓቶች እስከ ሴፕቴምበር 27 ድረስ መቅረብ አለባቸው

በሠመር ወቅት የተማሪ አገልግሎት ትምህርት ሰአት (SSL) ያጠናቀቁ ተማሪዎች የሠሩበትን ማረጋገጫ ቅጾቻቸውን ለትምህርት ቤቶቻቸው SSL አስተባባሪ እስከ አርብ፣ ሴፕቴምበር 27 ድረስ ማቅረብ አለባቸው።

 ሁሉም የሞንትጎመሪ ካውንቲ ፐብሊክ ስኩልስ (MCPS) ተማሪዎች ከሁለተኛ ደረጃ ትምህርት ቤት ለመመረቅ 75 የተማሪ አገልግሎት ትምህርት (SSL) ሰዓቶች ማስመዝገብ አለባቸው። ከ 6ኛ ክፍል በኋላ በ MCPS የተመዘገቡ ተማሪዎች የ SSL መስፈርትን በማጣጣት የሚያካክስ/ እፎይታ ያገኛሉ።

በአካል እና ቨርቹዋል SSL አገልግሎት ለመስጠት ያሉት እድሎች፣ማሳሰቢያዎች እና ወቅታዊ መረጃዎች በሙሉ SSL ድረ ገጽ ላይ ይገኛሉ።

ለሁሉም ክፍሎች የትምህርት ቤት የምግብ ዝርዝር በሁሉም ቋንቋዎች ተዘጋጅቷል።

2024–2025 ወቅታዊ የትምህርት ቤት የምግብ ዝርዝር ከቅድመ መዋዕለ ህጻናት/ሄድ ስታርት እስከ ሁለተኛ ደረጃ ትምህርት ቤት ድረስ—ለሁሉም ክፍሎች ተዘጋጅቷል። የተማሪዎችን ምርጫ እና የቬጀቴሪያን አማራጮችን የሚያካትተው የምግብ ዝርዝር በእንግሊዝኛ፣ ስፓንሽኛ፣ ፈረንሳይኛ፣ ቻይንኛ፣ ፖርቹጋልኛ፣ ኮሪያንኛ፣ ቬትናምኛ እና በአማርኛ ይገኛል።  

በተጨማሪም፣ ለዚህ የትምህርት አመት የነጻ እና የቅናሽ ዋጋ ምግቦች (FARMS)ማመልከቻይገኛል። ምንም እንኳን ልጃቸው ባለፈው አመት የነጻ እና የቅናሽ ዋጋ ምግቦችን ለማግኘት ብቁ ቢሆንም/ብትሆንም FARMS ፕሮግራም በየአመቱ ብቁ መሆናቸውን ለማረጋገጥ ቤተሰቦች እንደገና ማመልከት አለባቸው። ተማሪዎች/ቤተሰቦች ከማንኛውም ትምህርት ቤት የወረቀት ማመልከቻ ሊጠይቁ ይችላሉ፣ነገር ግን ሂደቱን ለማቀላጠፍ በኦንላይን ቢያመለክቱ ይፈጥናል።

ለረጅም ጊዜ በሕክምና ለቆዩ ተማሪዎች የተቀናጀ የትምህርት ፕሮግራም ወቅታዊ የጊዜ ሠሌዳ

MCPS አዲስ ረዥም ጊዜ በህክምና ላይ ለሚገኙ ተማሪዎች የተቀናጀ የትምህርት ፕሮግራም የጊዜ ሠሌዳ እያዘጋጀ ነው። ይህ ፕሮግራም የህክምና ክትትል ላለባቸው ተማሪዎች ለአንድ አመት ትምህርት ቤት አካባቢ በአካል በመገኘት መማር እንደማይችል/እንደማትችል ፈቃድ ባለው የህክምና ባለሙያ የተረጋገጠ ከሆነ፤ በተመሳሳይ እና በተለያየ ቨርቹዋል የትምህርት አገልግሎት ወጥነት ያለው እና አጠቃላይ ትምህርታዊ አገልግሎቶችን ይሰጣል።

ለፕሮግራሙ ማመልከቻ ለማቅረብ ከኦክቶበር 1, 2024 ጀምሮ በኦንላይን ይገኛል።ፕሮግራሙ ኖቬምበር 6, 2024 በይፋ ይጀመራል። ሂደቱን በጠበቀ መልኩ ስለ ፕሮግራሙ አቅርቦት/ሎጂስቲክስ የበለጠ ዝርዝር መረጃ ይወጣል።

"Remind App" የተሰኘ መተግበርያ አሁን በሁሉም ትምህርት ቤቶች ይገኛል።

"Remind" መተግበርያ በዚህ አመት በሁሉም ትምህርት ቤቶች የሚገኝ በሞንትጎመሪ ካውንቲ ፐብሊክ ስኩልስ (MCPS) ትምህርት ቤቶች፣በመምህራን፣በተማሪዎች እና በወላጆች መካከል ለሚደረጉ ግንኙነቶች የተዘጋጀ የመልእክት ማስተላለፊያ ነው። የት/ቤት ሰራተኞች፣የማእከላዊ ቢሮ ሰራተኞች፣ተማሪዎች፣ እና ወላጆች ሁሉም የጽሁፍ መልእክት፣ኢሜል ወይም የስልክ ጥሪ በመረጡት ቋንቋ የመገናኛ ዘዴ በመጠቀም መልዕክቶችን መላክ እና/ወይም መቀበል የሚያስችል የመልክት ማስተላለፊያ አካውንት ነው።

ወላጆች መልዕክቶች እንዲደርሳቸው "Remind" መመዝገብ ወይም መተግበሪያ ማውረድ የለባቸውም። መልእክቶች በትምህርት ቤቱ በተመዘገበው ኢሜል እና ስልክ ቁጥር ይላካሉ፤እና ወላጆች ወዲያውኑ መልእክቱ ይደርሳቸዋል። ወላጆች ለሚደርሳቸው መልእክት ምላሽ መስጠት ከፈለጉ መተግበሪያውን ማውረድ ወይም በይነመረብ ላይ አካውንት መክፈት አለባቸው። መተግበሪያውን እንዴት ማውረድ እንደሚችሉ መረጃ ለማግኘት ከዚህ በታች ይመልከቱ።

ስለ"Remind" አጠቃቀም የሚገልፅ ዩቲዩብ/YouTube ቪዲዮ

የወላጅ ፈጣን መመሪያ

እንግሊዝኛ፣ስፓንሽኛ፣ፈረንሳይኛ፣ኮርያንኛ፣ቻይንኛ፣ቬትናምኛ፣ፖርቹጋልኛ፣አማርኛ

ለአውቶቡስ ሹፌርነት የስራ ፈላጊዎች ሴፕቴምበር 17 አውደ ርእይ ተዘጋጅቷል።

 MCPS ማክሰኞ፣ሴፕቴምበር 17 ከጠዋቱ 10 a.m. እስከ ቀትር ድረስ ለአውቶቡስ ሾፌርነት የስራ ፈላጊዎች አውደ ርዕይ እያዘጋጀ ነው። አውደ ርዕዩ የሚካድበት ቦታና አድራሻ፡ Shady Grove Transportation Depot, 16651 Crabbs Branch Way in Rockville ይካሄዳል።

የአውቶቡስ ሹፌር ለመሆን መሟላት ያለባቸው መመዘኛዎች፦

• ቢያንስ 21 አመት ዕድሜ ያለው/ያላት።
• ንጹህ የመንዳት ታሪክ ይኑርዎት፣ በመንጃ ፍቃዱ ላይ የጥፋተኝነት ነጥብ ከአንድ በላይ የሌለው
• U.S ውስጥ ቢያንስ አንድ አመት የማሽከርከር ልምድን ጨምሮ ቢያንስ ሶስት አመት መኪና የማሽከርከ ልምድ ያለው/ያላት።
• ሁሉንም የቅድመ-አገልግሎት ስልጠና እና የፈተና መስፈርቶችን ማሟላት የሚችል/የምትችል።

ፍላጎት ያላቸው እጩዎች MCPS Careers portal ላይ ስለራሳቸው መግለጫ እንዲያቀርቡ ይጠየቃሉ። በዝግጅቱ ወቅት በዚህ ጉዳይ ላይ እርዳታ ሊያገኙ ይችላሉ። ለተጨማሪ መረጃ በስልክ ቁጥር፦ 240-740-6080 ይደውሉ።

የተማሪ አመራር እና SSL እድሎች

ለተማሪዎች የሚከተሉት የአመራር እና ከመደበኛ ትምህርት ውጭ የሚከናወኑ እንቅስቃሴዎች እድሎችይገኛሉ። አንዳንዶቹ የተማሪ አገልግሎት ትምህርት (SSL) ሰዓቶችንም ይሰጣሉ። ሁሉም የሞንትጎመሪ ካውንቲ ፐብሊክ ስኩልስ (MCPS) ተማሪዎች ከሁለተኛ ደረጃ ትምህርት ቤት ለመመረቅ 75 የተማሪ አገልግሎት ትምህርት (SSL) ሰዓቶች ማስመዝገብ አለባቸው።

ለመካከለኛ ደረጃ እና ለሁለተኛ ደረጃ ት/ቤት ተማሪዎች"The Association for Safe International Road Travel" እና "Montgomery County Regional Student Government Association" በመንገድ ደህንነት እና ተማሪዎችን እና ሌሎች ተጓዦችን በመንገድ ላይ ደህንነታቸውን መጠበቅ በሚችሉበት ሁኔታ ላይ ያተኮረ ውድድር እያዘጋጁ ናቸው። የህዝብ አገልግሎት ማስታወቂያ (PSA) የውድድር መስፈርቶችን አሟልተው ያቀረቡ ተሳታፊዎች 10 SSL ሰአት ያገኛሉ፣ እና የአማዞን የስጦታ ካርዶችን የማሸነፍ እድል ይኖራቸዋል። የመወዳደሪያ ግብአቶች እስከ እሁድ፣ ኦክቶበር 6 መቅረብ አለባቸው። የበለጠ ለመረዳት ከዚህ ያንብቡ።

ለሁለተኛ ደረጃ ትምህርት ቤት ልጃገረዶች ክፍት የሆነ "Girls With Impact" ስለ ንግድ እና አመራር ነጻ የ 10-ሳምንት ኮርስ ይሰጣል። ይህ ፕሮግራም MBAs ባላቸው ባለሙያ አሰልጣኞች ኦንላይን ኮርሶችን ይሰጣል። የበለጠ ይወቁ እና እስከአርብ፣ ኦክቶበር 45 p.m. ድረስ ይመዝገቡ።

ምናልባት አምልጥዎት ከሆነ…

በዚህ ሳምንት መጀመሪያ ላይ፣ MCPS ውስጥ ሶስት ታይትል I ትምህርት ቤቶች በዲስትሪክቱ የመጀመሪያ ንባብ እና ሮብስ ተነሳሽነት ላይ ተሳትፈዋል፣ የሜሪላንድ ስቴት ዳኞች ስለ ፍትህ እና ስለ ፍትሃዊነት መሪ ሃሳቦችን ለተማሪዎች አጉልተው ገልፀዋል። ይመልከቱት.